Azərbaycanın xarici işlər naziri Ceyhun Bayramov Qazaxıstanın Türküstan şəhərində keçirilən TDT XİN Şurasının qeyri-rəsmi iclasında iştirak edib.
“Süni İntellekt və Rəqəmsal İnkişaf” mövzusunda tədbirdə nazir çıxış edərək geosiyasi qeyri-müəyyənliklər fonunda türk dövlətləri arasında həmrəyliyin gücləndirilməsinin vacibliyini vurğulayıb.
Orta Dəhlizin strateji rolu, rəqəmsal bağlantı, kibertəhlükəsizlik və süni intellekt əsaslı innovasiyalar müzakirə olunub.
Nazir Azərbaycanın Rəqəmsal İnkişaf Planı və işğaldan azad edilmiş ərazilərdə “ağıllı” yenidənqurma işləri barədə məlumat verib.
Bakıda keçiriləcək WUF13 Forumunun əhəmiyyəti qeyd edilib.
