Ukraynanın Azərbaycandakı səfiri Yuri Qusev, 25-26 iyun tarixlərində Polşanın Qdansk şəhərində keçiriləcək Ukraynanın bərpası konfransında Azərbaycanın yüksək səviyyədə iştirak edəcəyinə ümid etdiyini bildirib.
Bu açıqlama Ümumdünya Şəhərsalma Forumunun 13-cü sessiyası (WUF13) çərçivəsində "Report"a müsahibəsində verilib. Diplomat nikbin olduqlarını və Azərbaycanın iyun ayında Polşada keçiriləcək konfransda iştirakını gözlədiklərini qeyd edib.
Qusev xatırladıb ki, Azərbaycanın xarici işlər naziri Ceyhun Bayramov əvvəlki Ukrayna bərpa konfranslarında da iştirak edib və bu il də yüksək səviyyədə təmsil olunacağı gözlənilir.
Səfir həmçinin, Azərbaycan-Ukrayna Hökumətlərarası Komissiyasının növbəti iclasının keçirilməsi məsələsinin müzakirə edildiyini və bu görüşün 2025-ci ilin sonunadək, Bakıda keçirilmiş əvvəlki iclas kimi məhsuldar olacağına ümid etdiklərini vurğulayıb.
