Nazirlər Kabineti "Vahid xəzinə hesabının qalığının idarəetməyə verilməsi Qaydaları"nı təsdiqlədi. Baş nazir Əli Əsədov bu barədə yeni qərar imzalayıb.
Yeni qaydalar 2007-ci il tarixli köhnə qərarı əvəz edir. Onlar büdcə ilinin istənilən günündə vahid xəzinə hesabının sərbəst qalığının idarəetməyə verilməsi mexanizmini müəyyən edir.
Qaydalar Prezident İlham Əliyevin 4 avqust 2025-ci il tarixli fərmanını icra etmək məqsədi daşıyır. Əsas məqsəd büdcə qanunvericiliyinə uyğunluğu təmin etməkdir.
