Ümumdünya Şəhərsalma Forumunun 13-cü sessiyasının (WUF13) yekunları üzrə qəbul edilmiş "Bakı Fəaliyyətə Çağırış" sənədində Azərbaycan hökumətinə minnətdarlıq ifadə olunub.
Sənəddə vurğulanır ki, bu çağırış WUF13 ərəfəsində aparılan aylarla işin və geniş məsləhətləşmələrin nəticəsidir.
Müəlliflər varislik və hesabatlılıq üçün strukturlaşdırılmış qarşılıqlı əlaqə mexanizminin dəstəyi ilə məsləhətləşmələri WUF dövrü üçün standart hala gətirməyə çağırıblar.
"Biz 176 ölkədən 58 mindən çox insanın iştirakı ilə keçirilən yenilikçi WUF13-ə ev sahibliyi etdiyinə görə Azərbaycan hökumətinə səmimi minnətdarlığımızı bildiririk", - deyə sənəddə qeyd olunub.
Bildirilib ki, Liderlərin Sammitində 27 dövlət və hökumət başçısı, yüzdən çox nazir və BMT baş katibinin müavini iştirak edib.
WUF13-ün əsas yenilikləri sırasında Bakı Şəhər Mükafatı, Biznes və İnnovasiyalar Mərkəzi, WUF Akademiyasının kampusu və Təcrübələr Habı qeyd edilib.
