Prezident İlham Əliyev mayın 28-də Xankəndidə "GP Safety" MMC-nin iş əlcəkləri istehsalı müəssisəsinin açılışında iştirak edib.
Müəssisənin təsisçisi Hikmət Əsədov dövlət başçısına fabrik barədə məlumat verib. Burada 4 növ iş əlcəyi istehsal olunacaq.
İllik istehsal gücü 25 milyon cüt əlcəkdir. Məhsullar daxili bazar üçün nəzərdə tutulub, gələcəkdə Avropaya ixrac planlaşdırılır.
Fabrikdə 35 nəfər işlə təmin ediləcək. İnvestisiya həcmi 3,5 milyon manatdır. Dövlət dəstəyi olaraq 1 milyon manat güzəştli kredit ayrılıb.
Xankəndinin iqtisadi potensialının bərpasında mühüm rol oynayacaq bu müəssisə yüngül sənayenin inkişafına töhfə verəcək.
