Bakı, Suraxanı rayonu, Əmircan qəsəbəsində səhər saatlarında dəhşətli yol qəzası baş verib.
113 nömrəli marşrut xətti üzrə hərəkət edən "Karsan" markalı avtobus idarəetməni itirərək ağaca çırpılıb.
Qəza nəticəsində sürücü də daxil olmaqla 11 nəfər müxtəlif bədən xəsarətləri alıb.
Yaralılar dərhal Sabunçu Tibb Mərkəzinə çatdırılıb və zəruri tibbi yardım göstərilib.
Vəziyyəti yüngül olan xəstələr evə buraxılıb, bəziləri isə nəzarət altında saxlanılır.
