Bakıda gecə saatlarında baş verən dava zamanı bir nəfər ölüb, biri isə yaralanıb.
Hadisə iyunun 7-si gecə Sabunçu rayonunun Pirşağı qəsəbəsində qeydə alınıb. 1999-cu il təvəllüdlü Sakit Piriyev tanışları olan 1986-cı il təvəllüdlü Məzahir Xələfov və 1983-cü il təvəllüdlü Balağa Ağayevlə mübahisə edib. Mübahisə dava ilə nəticələnib.
Ehtimala görə, S.Piriyev bıçaqla M.Xələfovun döş qəfəsinə, B.Ağayevə isə müxtəlif yerlərə xəsarət yetirib. Yaralılar xəstəxanaya yerləşdirilsə də, M.Xələfov aldığı yaralardan dünyasını dəyişib. B.Ağayev isə xəstəxanada müalicə olunur.
Polis əməkdaşları S.Piriyevi saxlayıblar. Faktla bağlı cinayət işi başlanılıb.
