Bakıda nəvəsinin az bal toplamasına əsəbiləşən qayınata gəlininə xəsarət yetirib.
Hadisə Xəzər rayonunun Şüvəlan qəsəbəsində qeydə alınıb. 1961-ci il təvəllüdlü Həsənağa Quliyev nəvəsinin buraxılış imtahanından cəmi 130 bal topladığını eşidib. Evə qayıdaraq gəlini ilə mübahisə edən kişi, uşağın az bal toplamasında onu günahlandırıb.
Mübahisə zamanı qayınata gəlinini döyüb, stəkanı üzünə atıb. Stəkan qırılaraq gəlinin üzündən xəsarət almasına səbəb olub. Polis çağırılıb, H.Quliyev saxlanılıb. Cinayət işi açılsa da, məhkəmədə tərəflər barışıb və işə xitam verilib.
