Beyləqan rayonunda fərdi yaşayış evində yanğın baş verib.
Hadisə gecə saatlarında Qəhrəmanlı qəsəbəsində qeydə alınıb. Qəsəbə sakini Bəhmən Kərimova məxsus 6 otaqlı evdə yanğın güclənib.
FHN-in Beyləqan Yanğından Mühafizə Hissəsinin texnikaları və canlı qüvvəsi hadisə yerinə cəlb edilib. Yanğın söndürülüb və ətraf ərazilərə keçməsinin qarşısı alınıb.
Xəsarət alan olmasa da, ümumi sahəsi 160 kv.m olan ev yanaraq yararsız hala düşüb. Faktla bağlı araşdırma aparılır.
