Bakıda vətəndaşları aldadan dələduz cəzalandırılıb. O, avtomobil gətirmək və Rusiyaya işçi göndərmək vədi ilə pul toplayıb.
Şərti adla Cavid İsayev qonşusuna ucuz qiymətə "Mercedes-Benz GLE" gətirəcəyini deyib. Qonşu bank kartına və nağd şəkildə ümumilikdə 12 250 manat ödəyib, lakin avtomobil gəlməyib.
Digər epizodda isə o, Rusiyanın Tümen şəhərində 12 nəfərlik elektrik və santexnik briqadası quracağını vəd edib. İşçilərə beh adı ilə 3 min manat alıb, sonra işçiləri göndərməyib.
Məhkəmə onu dələduzluqda təqsirli bilərək 3 il 3 ay həbs cəzası verib. Əvvəlki cəza ilə birlikdə ümumi cəza 4 il 3 ay olub, saxlanma müddəti nəzərə alınmaqla 3 il 10 ay 25 gün həbs edilib.
