Gəncədə 11-ci sinif şagirdini qətlə yetirən yeniyetməyə 10 il həbs cəzası verilib.
Gəncə Ağır Cinayətlər Məhkəməsində qəsdən adam öldürmədə təqsirləndirilən Fərid Şabanovun işi üzrə hökm çıxarılıb. Məhkəmə onu 10 il azadlıqdan məhrum edib.
Hadisə 2024-cü il yanvarın 23-də baş verib. Fərid Şabanov M.P.Vaqif adına 8 nömrəli məktəbin qarşısında həmin məktəbin 11-ci sinif şagirdi Raul Rəhimovla mübahisə edib. Mübahisə döyüşə çevrilib. Şabanov üzərində gəzdirdiyi beşbarmaq və bıçaqla Rəhimova hücum edib. Ağır xəsarət alan Raul Rəhimov xəstəxanada ölüb.
Polis əməkdaşları Fərid Şabanovu saxlayaraq istintaqa təhvil verib.
