Lənkəranda yol-nəqliyyat hadisəsi zamanı sürücü sükan arxasında vəfat edib.
Oxu.Az-ın məlumatına görə, hadisə axşam saatlarında Molla Pənah Vaqif küçəsində baş verib.
57 yaşlı Vüqar Bağırov avtomobil idarə edərkən qəfil ürək çatışmazlığından həyatını itirib. Nəzarətsiz qalan maşın yol kənarındakı obyektə çırpılıb.
Hadisə yerinə polis və təcili tibbi yardım cəlb olunub. Meyit müayinə üçün təhvil verilib.
