Lənkəran-Lerik magistral yolunda ağır yol qəzası baş verib. Avtomobil dərəyə aşıb, nəticədə biri uşaq olmaqla dörd nəfər xəsarət alıb.
Hadisə "Opel" markalı maşının yoldan çıxaraq dərəyə yuvarlanması ilə baş verib. Sürücü 1989-cu il təvəllüdlü Elnur Qurbanlı olub.
Qəza zamanı sürücü, həyat yoldaşı, beş yaşlı övladı və bir sərnişin müxtəlif bədən xəsarətləri alıb. Yaralılar hadisə şahidləri tərəfindən çıxarılaraq xəstəxanaya çatdırılıb.
Faktla bağlı araşdırma aparılır.
