Naxçıvan şəhərini güclü yağışlar su altında qoyub. Ərazilərdə sel suları sakinlərə çətin anlar yaşadır.
Baku TV-nin məlumatına görə, bir çox məhəllədə evlərə su dolub. Sakinlər deyir: "Qapımızın önündə kanalizasiya partlayıb, su içəri girir. Dəfələrlə müraciət etdik, heç nə dəyişmədi."
Bir təqaüdçü bildirib: "Su bir metr yarıma qədər qalxır. Evlər çürüyür, yaşamaq mümkün deyil. Nə qədər pul xərcləyək?"
İcra Hakimiyyətindən bildirilib ki, külək və leysan səbəbindən küçələrdə su yığılıb, ağac budaqları qırılıb. Xüsusi texnika ilə təmizlik işləri aparılır. Dəmiryol Vağzalı ətrafında FHN texnikaları işə cəlb olunub.
