Sumqayıt Ağır Cinayətlər Məhkəməsində gəlininə təcavüzə cəhd edən qayınatanın məhkəməsi yekunlaşıb.
Oxu.Az-ın məlumatına görə, 1965-ci il təvəllüdlü Tahir Quliyev 4 il müddətinə azadlıqdan məhrum edilib.
Hadisə Zəngilan rayonunun Ağalı kəndində baş verib. Oğlunun səhhətində ciddi problem yaranıb, anası ilə Bakıda xəstəxanaya gedib. Qayınata gəlinlə evdə tək qalıb.
O, axşam işdən qayıdıb, gəlinini otağa çağıraraq cinsi əlaqə təklif edib. Qadın qaçmaq istəsə də, qayınatası onu tutub, zorla saxlamağa çalışıb. Gəlin ikinci dəfə qaçaraq qayınanasına zəng edib.
Qayınata mətbəx bıçağı ilə hücum edib, telefonunu alıb söndürüb. Daha sonra üzr istəyib, heç kimə deməməsini tapşırıb, əks halda öldürəcəyi ilə hədələyib. Gəlin polisə müraciət edib, şübhəli saxlanılıb.
