Samux rayonunda yas mərasimində kütləvi zəhərlənmə baş verib. Zərərçəkənlərin vəziyyəti ilə bağlı yeni məlumat açıqlanıb.
TƏBİB-dən Oxu.Az-a verilən məlumata görə, mayın 20-də saat 17 radələrində 21 nəfər (13 qadın, 8 kişi) Gəncə Şəhər Birləşmiş Xəstəxanasının Abbas Səhhət adına xəstəxanasının Yoluxucu xəstəliklər şöbəsinə yerləşdirilib.
Zəhərlənmə diaqnozu qoyulan xəstələrə lazımi tibbi yardım göstərilib. Vəziyyəti qənaətbəxş olan 19 nəfər evə buraxılıb, 2 nəfərin müalicəsi isə xəstəxanada davam edir, vəziyyətləri stabildir.
