Almaniyalı turistin yaponiyalı sevgilisi ilə Azərbaycana səfəri zamanı xoşagəlməz hadisə yaşanıb.
Oxu.Az xəbər verir ki, əcnəbi cütlük rayonlardan birindən keçərkən yaşlı kişi avtomobilini saxlayıb söhbət etməyə çalışıb. Daha sonra qadına yaxınlaşaraq sinəsinə toxunmağa cəhd edib.
Kadrlar turistlər tərəfindən lentə alınıb və polisə şikayət edilib. Mayın 27-də Hacıqabul rayonunda polis araşdırması nəticəsində 66 yaşlı təqsirkar barəsində inzibati tədbir görülüb.
