Azərbaycanın üc yeniyetmə güləşçisi U-17 Avropa çempionatında finala yüksəlib. Yarış Bolqarıstanın Samokov şəhərində keçirilir.
Hüseyn Rzazadə (48 kq) rəqiblərinə heç bir şans tanımayıb. O, yarımfinalda 10:0 hesabı ilə qalib gəlib. Finalda ukraynalı Volodimir Boyko ilə qarşılaşacak.
Rəşid Nazarov (65 kq) da finala çıxıb. O, yarımfinalda fransalı Saşa Oberi 10:0 hesabı ilə məglub edib. Rəşid finalda rusiyalı Maksim Monquşla görüşəcək.
Nihad Süleymanlı (80 kq) bütün rəqiblərini üstələyib. Finalda türkiyəli Emirhan Çayırla qarşılaşacaq.
Abbas Şəfiyev (55 kq) bürünc medal üçün mübarizə aparacaq, Hakim Tağıyev isə (110 kq) üçüncü yer uğrunda döyüşəcək.
