ABŞ prezidentinin iqamətgahı olan Ağ Evdə keçirilən UFC Freedom 250 turnirində İspaniya təmsilçisi İliya Topuriya amerikalı Castin Qeyciyə uduzub.
Oxu.Az xəbər verir ki, bu qarşılaşma yüngül çəki dərəcəsində titul döyüşü olub. Hakimlər dördüncü raunddan sonra döyüşü dayandıraraq Qeycinin texniki nokautla qələbə qazandığını elan edib.
Topuriya peşəkar MMA karyerasında ilk məğlubiyyətini alıb. Digər döyüşdə ağır çəkidə müvəqqəti çempionluq uğrunda fransalı Siril Qan braziliyalı Aleks Pereyranı məğlub edib.
Turnir ABŞ-nin müstəqilliyinin 250 illiyinə həsr olunub.
