"Nottingem Forest"in yarımmüdafiəçisi Elliot Anderson karyerasını "Mançester Siti"də davam etdirəcək.
Mançester klubunun rəsmi saytı xəbər yayıb. 23 yaşlı futbolçu DÇ-2026-da İngiltərə millisinin düşərgəsində olarkən Kanzasda tibbi müayinədən keçib. Transfer rəsmən onun İngiltərəyə qayıdışından sonra tamamlanacaq.
"Nyukasl"ın yetirməsi Anderson 2024-cü ildə 15 milyon funt-sterlinqə "Nottingem Forest"ə keçmişdi. Ötən mövsüm İngiltərə Premyer Liqasında 38 oyunda 4 qol vurub, 4 məhsuldar ötürmə edib.
Transfer "Mançester Siti"yə 135 milyon avroya başa gəlib. Anderson tarixin ən bahalı britaniyalı futbolçusu olub.
