Dünya çempionatında gözləntiləri doğrulda bilməyən Arda Güler, Joze Mourinyonun diqqətini çəkmək üçün tətilini yarımçıq buraxaraq "Real Madrid"in mövsüm açılışına qatılmaq qərarı alıb.
Oxu.Az "AS" nəşrinə istinadən xəbər verir ki, Türkiyə 24 il sonra böyük ümidlərlə qatıldığı dünya çempionatında uğursuz olub.
Arda Güler də komandada zəif çıxış edib. "Real Madrid"in Mourinyonu baş məşqçi təyin etməsi və Bernardo Silvanın transferi təzyiqi artırıb.
Mourinyo hər iki futbolçudan oxşar rollarda istifadə edəcək, bu da rəqabət yaradır. Buna görə gənc ulduz üç həftəlik istirahətini qısaldaraq komandasına qoşulur.
