Argentina milli komandasının ulduzu Lionel Messi, dünya çempionatı öncəsi Hondurasla keçiriləcək yoldaşlıq görüşündə meydana çıxmayacaq.
Tanınmış jurnalist Qaston Edulun 'X' sosial şəbəkəsində paylaşdığı məlumata görə, səhhətindəki kiçik problemlər səbəbindən Messi iyunun 7-dəki matçda iştirak etməyəcək.
Ancaq azarkeşlər üçün sevindirici xəbər odur ki, ulduz futbolçu iyunun 17-də Əlcəzairə qarşı keçiriləcək dünya çempionatının ilk matçında oynayacaq. Messinin turnirə qədər tam sağalacağı gözlənilir.
Messi artıq milli komandanın düşərgəsinə gəlib və heyətə qoşulub.
