Argentina milli komandası üçün ağır zərbə: müdafiəçi Leonardo Balerdi zədə səbəbindən 2026 DÇ-də oynaya bilməyəcək.
Komandanın mətbuat xidməti məlumat yayıb: 27 yaşlı futbolçu sağ baldır əzələsindən zədələnib.
Baş məşqçi Lionel Skaloni, Balerdini əvəz edəcək oyunçuya qərar verəcək. Namizədlər arasında Markos Senesi, Lukas Martines, Xerman Petselya və Lautaro Di Lollo var.
Balerdi Argentina millisində 11 oyun keçirib. DÇ iyunun 11-dən iyulun 19-dək ABŞ, Kanada və Meksikada olacaq.
Argentina J qrupunda Əlcəzair, Avstriya və İordaniya ilə qarşılaşacaq.
