"Qəbələ" futbol klubu, komanda üzvü Asif Məmmədovun qayda pozuntularına görə 10 min manat cərimələnib.
Oxu.Az-ın məlumatına görə, qərar AFFA İntizam Komitəsinin iclasında qəbul olunub.
Misli Premyer Liqasının XXXI turunda "Qəbələ" - "Qarabağ" matçının 86-cı dəqiqəsində Asif Məmmədov hakimi təhqir etdiyi üçün birbaşa qırmızı vərəqə alıb. Oyunçu 4 matç cəzalandırılıb, klub isə 10 min manat cərimə ödəyəcək.
Matçdan sonra kənar şəxslərin meydana girməsi səbəbindən əlavə 2 500 manat, əşya atılmasına görə isə 2 000 manat ziyan yaranıb.
Həmçinin, "Neftçi" - "Şamaxı" oyununda "Şamaxı" klubuna 4 sarı kart üçün 700 manat cərimə yazılıb.
