Slovakiyada keçirilən minifutbol üzrə Avropa çempionatının qalibi olan Azərbaycan millisi təntənəli şəkildə mükafatlandırılıb.
Əvvəlcə üçüncü yeri tutan Serbiya və Macarıstan komandalarına bürünc medallar təqdim olunub.
Daha sonra gümüş medalın sahibi Ukrayna seçməsi fəxri kürsüyə çıxıb.
Sonda Azərbaycan millisinin oyunçuları qızıl medallar və kubokla təltif edilib.
Tədbirdə Avropa Minifutbol Federasiyasının prezidenti Peter Kralik və digər rəsmi şəxslər iştirak ediblər.
Qeyd edək ki, Azərbaycan millisi finalda Ukraynanı 2:0 hesabı ilə məğlub edərək Avropa çempionu olub.
