Monakoda yüngül atletika üzrə Avropanın kiçik ölkələrinin çempionatı başa çatıb.
Kiçik Avropa Dövlətləri Atletika Assosiasiyasının təşkilatçılığı ilə keçirilən yarışda 17 ölkədən 300-ə yaxın idmançı iştirak edib.
II Lui stadionunda təşkil olunan çempionatda Azərbaycan yığması 4 medal qazanıb. Lamiyə Vəliyeva 100 metrdə 11.91 saniyə ilə gümüş, İlahə Quliyeva 400 metrdə 54.64 saniyə ilə bürünc əldə edib. Səkinə Hacızadə nüvə itələmədə 12.78 metr nəticə ilə üçüncü olub. Qadınlardan ibarət komanda isə İsveç estafetində bürünc qazanıb.
