Azərbaycan cüdoçuları Çexiyanın Praqa şəhərində keçirilən Avropa açıq turnirinin ilk günündə üç medal qazanıb.
Bu barədə Azərbaycan Cüdo Federasiyası məlumat yayıb.
Elşən Əsədov (66 kq) bütün rəqiblərini məğlub edərək qızıl medal qazanıb. Eyni çəki dərəcəsində Rəşad Yelkiyev gümüş medal əldə edib.
Kamran Süleymanov (73 kq) isə bürünc medalla kifayətlənib.
Komanda hesabında Azərbaycan bir qızıl, bir gümüş və bir bürünc medalla 38 ölkə arasında ikinci yerdə qərarlaşıb.
