Minifutbol üzrə Azərbaycan millisinin kapitanı Elvin Əlizadə bildirib ki, komanda Slovakiyada keçirilən Avropa çempionatında qalib olmağı hədəfləyir.
Kapitan qrup mərhələsinin son oyununda Fransaya qarşı qələbəni şərh edib: "Ardıcıl iki zəfərdən sonra 3-cü qələbə çox vacib idi. Yaxşı oyun nümayiş etdirərək qalib gəldik".
E.Əlizadə 1/8 finalda qarşılaşacaqları Qazaxıstanı da dəyərləndirib: "Qazaxıstan tanış komandadır, lakin heyətdə dəyişikliklər var. Rəqibi təhlil edib oyun göstərəcəyik. Turnirə çempionluq üçün gəlmişik".
Qeyd edək ki, Azərbaycan millisi qrupda Avstriya (1:0), İtaliya (3:0) və Fransanı (3:2) məğlub edib. Komanda 1/8 finalda Qazaxıstanla qarşılaşacaq.
