"Barselona" Kataloniya klubu bəyanat yayaraq "Real Madrid"in prezidenti Florentino Peresə qarşı böhtan iddiası qaldıracağını bildirib.
Oxu.Az xəbər verir ki, bu barədə klubun rəsmi saytında məlumat dərc olunub. Peresin mayın 12-dəki mətbuat konfransındakı çıxışlarına etiraz edilir.
Klub bildirib ki, Peresin səsləndirdiyi bəzi bəyanatlar böhtan və təhqir xarakteri daşıyır. Onlar məhkəməyə qədər barışıq cəhdi ediblər.
"Barselona" Peresdən tələb edir ki, bu bəyanatları təkzib etsin. Əks halda cinayət işi başlanacaq."
