"Bu işdən bahalı maşınlarınıza minib, milyon dollarlıq villalarınıza gedərək xilas ola bilməzsiniz."
Bu şüar Devid Bekhemə qarşı linç kampaniyasının simvolu idi. Bəs o, niyə belə nifrətə məruz qaldı?
Bekhem 92-ci il nəslindən ən diqqətçəkən futbolçu idi. Həmişə baxımlı, estetikaya önəm verən biri idi. Və bu estetika onu meydanda da fərqləndirirdi: cərimə zərbələri, uzaq məsafədən dəqiq ötürmələr...
1998 dünya çempionatı isə hər şeyi dəyişdi. Argentina ilə oyunda Dieqo Simeoneyə vurduğu zərbəyə görə qırmızı vərəqə aldı. İngiltərə uduzdu, günahkar Bekhem oldu. O, antiqəhrəman idi.
Viktoriya ilə münasibəti, təhdidlər, Ferqyusonun narazılığı. Bir anda ölkənin ən sevilən gənci ən nifrət edilən simaya çevrildi.
Bekhemin böyüklüyü burada başlayır. 1999-cu ildə Mançester Yunaytedlə üçləmə qazandı. 2002 dünya çempionatının seçmə mərhələsində Yunanıstana qarşı son dəqiqələrdə cərimə zərbəsindən qol vuraraq İngiltərəni mundiala apardı. Spiker dedi: "Bu adamı cəngavər elan edin."
İllər sonra həmin sözlər gerçək oldu: Bekhem "Sir" titulu aldı. Nifrəti sevgiyə çevirmək hər kəsin bacara biləcəyi iş deyil. O, təkcə futbolçu deyil, təzyiq qarşısında sınmayan insan kimi yadda qaldı.
