Braziliya millisi DÇ-2026 üçün Nyu-Cersiyə eniş edərkən sərt təhlükəsizlik yoxlanışından keçib. Futbolçular, məşqçilər və rəhbərlik şəxsi əşyaları və ayaqqabıları ilə birlikdə yoxlanılıb.
“O Globo”nun məlumatına görə, yoxlama birbaşa uçuş zolağında aparılıb. Bu, hava limanı daxilində vaxt itkisinin qarşısını almaq üçün edilib.
Daha əvvəl Özbəkistan nümayəndə heyəti də eyni sərt yoxlamadan keçib.
Xatırladaq ki, DÇ-2026 11 iyun-19 iyul tarixlərində ABŞ, Kanada və Meksikada keçiriləcək. Braziliya qrupda Mərakeş, Haiti və Şotlandiya ilə oynayacaq.
