NBA ulduzu Brendon Klark 29 yaşında dünyasını dəyişib. "Memfis Qrizzliz" klubunun hücumçusu olan Klarkın ölüm səbəbi hələlik məlum deyil.
TMZ nəşrinin yaydığı məlumata görə, Klark 2019-cu ildə NBA draftında 21-ci sıradan seçilmiş və bütün karyerasını Memfisdə keçirmişdi.
Ötən ay Klark Arkanzas ştatında qadağan olunmuş maddələr saxlamaq, sürət həddini aşmaq və düzgün ötmə etməməkdə ittiham edilərək həbs olunmuş, lakin girov müqabilində azadlığa buraxılmışdı.
O, Ca Morantla birlikdə "Qrizzliz"in ən uzun müddət çıxış edən oyunçusu idi.
