"Qarabağ" futbol klubu növbəti transferini rəsmiləşdirib. Mozambik millisinin üzvü, müdafiəçi Bruno Lanqa ilə 3 illik müqavilə imzalanıb.
28 yaşlı sol cinah oyunçusu İspaniyanın "Almeriya" klubundan transfer edilib. O, 2029-cu ilin yayına qədər "Qarabağ"da çıxış edəcək və 5 nömrəli formanı geyinəcək.
Bruno Lanqa karyerası ərzində Mozambik, Portuqaliya, Kipr və İspaniya klublarında oynayıb. 2021-ci ildən milli komandada 37 oyun keçirib, 1 qol vurub və 6 assist edib.
Bu, yay transfer pəncərəsində "Qarabağ"ın dördüncü transferidir. Daha əvvəl Jali Mauddib, Zakaria Savo və Samuel Lobato komandaya qoşulub.
