"Çelsi"nin ikinci ən çox qol vuran futbolçusu Bobbi Temblinq 84 yaşında vəfat edib.
"Sky Sports"un məlumatına görə, London klubunun sabiq hücumçusu uzun sürən xəstəlikdən sonra dünyasını dəyişib. Ona demensiya diaqnozu qoyulmuşdu.
Temblinq 1959-1970-ci illər aralığında "Çelsi"nin formasını geyinib. Komandanın heyətində 202 qola imza ataraq, ən yaxşı bombardirlər siyahısında yalnız Frenk Lemparddan (211 qol) geri qalır.
Temblinq "Çelsi" ilə 1965-ci ildə İngiltərə Liqa Kubokunu qazanıb. Karyerası ərzində İngiltərə və İrlandiya klublarında oynayan sabiq futbolçu, 1974-cü ildə "Kork Siti" ilə İrlandiya çempionu olub.












