Çin Futbol Assosiasiyası (CFA) futboldan qadağan edilən şəxslərin "qara siyahı"sını dərc edib.
Siyahıda 65 nəfər var. Onlardan 17-si ömürlük, 48-i isə 5 ilədək müddətə futboldan kənarlaşdırılıb. Cəzalar futbolçulara, klublara, məşqçilərə və hakimlərə şamil olunub.
Cəzalandırılanlar rüşvət, korrupsiya və oyun manipulyasiyasında günahlandırılır. Ən diqqət çəkən şəxs "Huaxia Fortune" şirkətinin sabiq prezidenti Man Tszindir.
O, matçların nəticələrinə müdaxilə etməkdə ittiham edilir. Bu, ədalətli oyun prinsiplərinə zərbə vurub.
