"Real Madrid" 33 yaşlı müdafiəçi David Alabanın mövsümün sonunda klubdan ayrılacağını rəsmən açıqlayıb.
Oxu.Az xəbər verir ki, bu barədə klubun rəsmi saytında məlumat dərc olunub.
"Real Madrid" Alaba və ailəsinə həyatlarının yeni mərhələsində uğurlar arzulayıb.
"Bu şənbə günü "Santyaqo Bernabeu" stadionunda keçiriləcək son liqa matçı zamanı ona ehtiram göstərəcəyik", - deyə klubun açıqlamasında bildirilir.
Avstriyalı futbolçu 2021-ci ilin yayından bəri "kral klubu"nda çıxış edir. Bu müddətdə Alaba bütün turnirlərdə 131 oyun keçirib, 5 qol vurub, 9 məhsuldar ötürmə edib. O, komanda ilə iki İspaniya liqası, iki Çempionlar Liqası, bir UEFA Superkuboku, iki İspaniya Superkuboku və bir İspaniya Kuboku qazanıb.
