Futbol üzrə dünya çempionatı 2026-da meydana çıxacaq ən yaşlı və ən gənc oyunçular məlumdur.
Portuqaliyalı Kriştianu Ronaldu (41 yaş 126 gün) ən yaşlı futbolçular sırasında 4-cü yerdədir. O, Essam Əl-Hədəri, Fərid Mondraqon və Roje Milladan sonra gəlir.
Ronaldunu Meksika qapıçısı Gilyermo Oçoa (40), Luka Modriç (40), Edin Ceko (40), Manuel Noyer (40) və Vozinya (39) izləyir.
Ən gənc iştirakçı Meksikalı Xilberto Moradır (17). O, meydana çıxarsa, 1930-cu ildəki Manuel Rosasın rekordunu qıracaq.
Gənc futbolçular sırasında Huqo Soçurek (18), Lennart Karl (18), İbrahim Mbaye (18) və Həmzə Əbdülkərim (18) də var.
DÇ-2026 iyunun 11-dən iyulun 19-dək ABŞ, Kanada və Meksikada keçiriləcək.
