Fransa millisi ("Les Bleus" - Mavilər) son onilliyin ən dominant, ulduzlarla dolu və hər turnirdə yalnız çempionluq hədəfləyən əsl futbol imperiyasıdır.
Son otuz ilin ən güclü komandalarından biri olan Fransa, 1998 və 2018-ci illərdə çempion olub və DÇ-2026-ya 17-ci dəfə vəsiqə qazanıb.
Didye Deşamın yetirmələri 48 komandalı turnirə böyük iddialarla yollanır. Məqsəd Qətərdəki məğlubiyyəti unutdurmaq və ardıcıl üçüncü dəfə finala çıxmaqdır.
Oxu.Az Fransa futbolunun keçmişinə, bu gününə və 2026-cı il gözləntilərinə nəzər salır.
Deşam, Fransa millisinin ən böyük uğurlarında həlledici rol oynayıb. Qarşıdan gələn turnirdən sonra vəzifəsindən ayrılacağı təqdirdə, 14 il bu postda çalışmış olacaq.
Fransanın ilk dünya çempionatı 1930-cu ildə Uruqvayda olub. Dənizlərlə 13 günlük səyahətdən sonra "mavilər" Meksikaya 4:1 qalib gəlsə də, qrupda Argentina və Çiliyə məğlub olaraq turnirlə vidalaşıb.
Fransanın son dünya çempionatı Qətərdə baş tutub. Finalda Argentinaya penaltilərlə 2-4 məğlub olan Fransa, Mbappenin het-trikinə baxmayaraq çempion ola bilməyib.
Fransa DÇ-2026-ya Ukraynanı 4:0 məğlub edərək vəsiqə qazanıb. Mbappe həlledici dubla imza atıb. Komanda seçmə mərhələdə məğlubiyyətsiz lider olub.
Fransa DÇ-2026-da I qrupunda Norveç, Seneqal və İraq ilə qarşılaşacaq. Oyun cədvəli Bakı vaxtı ilə: 16 iyun 23:00 Fransa-Seneqal, 23 iyun 01:00 Fransa-İraq, 26 iyun 23:00 Norveç-Fransa.
Jüst Fonten 1958-ci ildə 13 qolla Fransa tarixində bir turnirdə ən çox qol vuran oyunçudur. Mbappe 12 qolla onu yaxalamaq üzrədir. Hüqo Lloris isə 20 oyunla ən çox forma geyinən oyunçudur.
Fransanın yaddaqalan anları: 1958-də bürünc, 1982 və 1986-da yarımfinal, 1998-də çempionluq, 2006-da final, 2018-də çempionluq. Deşamın komandası Şimali Amerikada imperiyasını genişləndirmək niyyətindədir.
