Tunis mundiala yeddinci dəfə qatılır. "Karfagen qartalları" 2026-cı ildə Şimali Amerikada keçiriləcək dünya çempionatına vəsiqə qazanıb.
Komanda indiyədək qrupdan çıxa bilməsə də, təcrübəsi ilə bu səddi aşmağa çalışacaq. Son AFCON-dan sonra baş məşqçi Sami Trabelsi istefa verib, yerinə Lamuşi gəlib.
Tunisin ən yaddaqalan çıxışı 1978-ci ildə debütündə olub. Argentina turnirində Meksikanı 3:1 məğlub edərək tarix yazıblar. Həmin qələbə Afrika komandasının mundialdakı ilk qələbəsi idi.
DÇ-2022-də Fransa üzərində 1:0 hesablı qələbə unudulmaz anlardan biridir. Vəhbi Xəzrinin qolu ilə son çempionu məğlub etsələr də, qrupdan çıxa bilməyiblər.
Tunis təsnifat mərhələsini mükəmməl keçib: 10 matçda qapısında qol görməyib. 8-ci turda Ben Romdanın qolu ilə vəsiqə rəsmiləşib.
DÇ-2026-da F qrupunda Yaponiya, İsveç və Niderlandla oynayacaq. Oyun cədvəli: 15 iyun İsveçlə, 21 iyun Yaponiya ilə, 26 iyun Niderlandla.
Tunisin bombardiri Vəhbi Xəzridir (3 qol). Ən çox forma geyinənlər: Kayes Qodban və Riad Buazizi (8 oyun).
