FIFA reytinqinə görə dünyanın ən güclü on komandası Meksika ərazisində yerləşdirilməyib. Bu, 2026-cı il dünya çempionatının favoritlərinin məşq bazası ilə bağlı açıqlanan məlumatda öz əksini tapıb.
Oxu.Az RİA Novosti-yə istinadən xəbər verir ki, ABŞ ərazisində Argentina, Braziliya, Fransa, İspaniya, İngiltərə, Portuqaliya, Niderland, Mərakeş, Belçika və Almaniya məşq edəcək. Meksikada isə Uruqvay, Kolumbiya, Tunis, CAR, İran, Cənubi Koreya və ev sahibi Meksika yerləşəcək.
Kanada yalnız ev sahibləri və Panama üçün məşq mərkəzi olacaq. ABŞ-ın özündə isə Haiti və Kürasao kimi autsayderlər də məskunlaşacaq. 2026-cı il dünya çempionatı 11 iyundan 19 iyula qədər üç ölkədə keçiriləcək.
