Futbol üzrə dünya çempionatında ikinci turun oyunları davam edir. Qrup mərhələsinin növbəti turunda maraqlı qarşılaşmalar futbol azarkeşlərini gözləyir.
D qrupunda ABŞ və Avstraliya yığmaları qarşılaşacaq. Bu oyun Bakı vaxtı ilə saat 23:00-da başlayacaq.
Həmin qrupun digər oyununda Türkiyə və Qətər milliləri üz-üzə gələcək. Matç iyunun 20-də, saat 07:00-da start götürəcək.
C qrupunda isə iyunun 20-də gecə saat 02:00-da Şotlandiya - Mərakeş, saat 04:30-da Braziliya - Haiti qarşılaşması baş tutacaq.
Dünya çempionatı iyulun 19-da yekunlaşacaq.
