Futbol üzrə dünya çempionatında qrup mərhələsi başa çatır.
Oxu.Az xəbər verir ki, sonuncu oyunlarda maraqlı qarşılaşmalar gözlənilir.
L qrupunda Panama İngiltərə, Xorvatiya isə Qana ilə qarşılaşacaq. Həlledici görüşlər iyunun 28-nə keçən gecə, Bakı vaxtı ilə saat 01:00-da başlayacaq.
İki turdan sonra L qrupunda İngiltərə və Qana 4 xalla birinci və ikinci, Xorvatiya 3 xalla üçüncü, Panama isə xalsız sonuncudur.
K qrupunda Kolumbiya Portuqaliya, Konqo D.R. Özbəkistanla oynayacaq. Matçlar iyunun 28-i saat 03:30-da başlayacaq.
Cədvəldə Kolumbiya 6 xalla lider, Portuqaliya 4 xalla ikinci, Konqo 1 xalla üçüncü, Özbəkistan xalsız sonuncudur.
J qrupunda Əlcəzair Avstriya, İordaniya Argentina ilə saat 06:00-da qarşılaşacaq.
Argentina 6 xalla lider, Avstriya və Əlcəzair 3 xalla ikinci və üçüncü, İordaniya xalsız sonuncudur.
Mundial iyulun 19-da başa çatacaq.
