İntizamsız davranışlarına görə "Qarabağ"ın əsas heyətindən uzaqlaşdırılan Elvin Cəfərquliyevə bir neçə təklif var.
Macarıstanın "Ferentsvaroş" klubu müdafiəçini israrla heyətinə qatmaq istəyir. Onlar bir neçə dəfə "Qarabağ"a təklif göndərib. Ağdam klubu Elvinin transferi üçün 1.5 milyon avro istəyir.
Türkiyənin "Amedspor" klubu da Azərbaycan yığmasının üzvü ilə maraqlanıb. Superliqaya yeni çıxan komanda transfer məbləğini ödəməyə hazırdır. Lakin Elvin xarici klublardan ilinə 1 milyon avro maaş istəyir.
Cəfərquliyevin "Neftçi"yə keçidi də gündəmdə olub. Lakin "Qarabağ" maneə törədib. Ağdam klubu "Neftçi"dən daha çox pul istəsə də, tərəflər razılaşmayıb.
Hazırda Elvin "Qarabağ"ın əvəzedici heyətində çıxış edir. Ötən gün "Kəpəz"ə qarşı oyunda zədələnərək əvəzlənib.
