Enzo Mareska 'Mançester Siti' klubunun baş məşqçisi vəzifəsinə təyin olunub.
İngiltərə klubu bu barədə rəsmi saytında məlumat yayıb. Tərəflər üç illik müqavilə imzalayıb.
İtaliyalı mütəxəssis əvvəllər 'Mançester Siti'də Xosep Qvardiolanın köməkçisi kimi çalışıb. O, 2022-2023-cü illərdə Qvardiolanın məşqçilər heyətində yer alıb, daha əvvəl isə klubun gənclər komandasını idarə edib.
Xatırladaq ki, may ayında Qvardiolanın 2025/2026 mövsümünün sonunda baş məşqçi postunu tərk edəcəyi açıqlanmışdı. Onun cari müqaviləsi 2027-ci ilin yayına qədər qüvvədədir.
Mareska yanvar ayında 'Çelsi'nin baş məşqçisi postundan ayrılmışdı.
