İtaliyanın "Ferrari" komandası "Formula-1" tarixində pilot maaşları üçün illik büdcəsi 100 milyon avronu keçən ilk komanda olub.
Niderlandın "RacingNews365" nəşri xəbər verir ki, bu rekord Şarl Leklerlə müqavilənin uzadılması sayəsində əldə olunub. "Ferrari" maliyyə təfərrüatını rəsmi açıqlamasa da, məlumatlara görə, Leklerin illik maaşı 34 milyon avrodan 50 milyon avroya yüksəlib.
Lekler və Lyuis Hemiltonun (60 milyon avro) ümumi maaşı 100 milyon avronu keçib. Müqayisə üçün, "Red Bull Racing" pilot maaşlarına 75 milyon avro xərcləyir ki, bunun 70 milyonu Maks Ferstappenə aiddir.
