FIFA dünya çempionatında irqçiliyə qarşı yeni bir tədbir tətbiq edir. Hakimlər, futbolçuların xüsusi jestini gördükdə oyunu dayandıracaq.
Jurnalist Henri Vinter "X" sosial şəbəkəsində bildirib ki, futbolçular irqçilik halları ilə qarşılaşdıqda qollarını sinələrində çarpazlaşdıracaqlar.
Hakim bu jesti gördükdə FIFA-nın üç mərhələli prosedurunu başladacaq. İlk mərhələdə oyun dayandırılır. Təhqirlər davam edərsə, 15 dəqiqəlik fasilə verilir. Üçüncü dəfə təkrarlanarsa, oyun ləğv edilir.
Bu qayda ilk dəfə 2024-cü ildə Kolumbiyada keçirilən 20 yaşadək qadınlararası dünya çempionatında sınaqdan keçirilib.
2026-cı il dünya çempionatı ABŞ, Kanada və Meksikada keçiriləcək. Turnirdə 48 milli komanda iştirak edəcək.
