UEFA Konfrans Liqasının finalı ərəfəsində Almaniyada İngiltərənin "Kristal Pelas" və İspaniyanın "Rayo Valyekano" klublarının fanatları arasında kütləvi dava baş verib.
Oxu.Az xarici mediaya istinadən xəbər verir ki, insident Leypziq şəhərinin mərkəzindəki restoranlardan birində qeydə alınıb.
Hər iki komandanın azarkeşləri bir-birlərinə stullar, şüşələr və digər əşyalar ataraq hücuma keçiblər. Qısa müddətdə hadisə yerinə çox sayda polis qüvvəsi cəlb edilib və ərazi nəzarətə alınıb. İğtişaşlarda iştirakına görə onlarla şəxs saxlanılıb.
Qeyd edək ki, "Red Bull Arena" stadionunda keçiriləcək "Kristal Pelas" - "Rayo Valyekano" final matçı bu gün Bakı vaxtı ilə saat 23:00-da start götürəcək.
