UFC iyunun 27-də Bakıda "UFC Fight Night" təşkil edəcək. Əsas döyüşdə Rafael Fiziyev Manuel Torreslə qarşılaşacaq.
Biletlər mayın 15-də saat 10:00-da iTicket.az vasitəsilə satışa çıxarılacaq. "Fight Club" üzvləri mayın 13-dən, öncədən qeydiyyatdan keçənlər isə mayın 14-dən bilet ala bilər.
Gecənin ikinci əsas döyüşündə Şara Maqomedov Mişel Pereyra ilə üz-üzə gələcək. Nazim Sadıxov Mateus Kamilo ilə, debütant Fərman Həsənov isə Erik Nolanla döyüşəcək.
İkram Aliskerov, Abus Maqomedov, İsmayıl Naurdiyev və başqa ulduzlar da oktaqona çıxacaq. Təşkilatçılar azarkeşlərə erkən qeydiyyatı tövsiyə edir.
