2026-cı il dünya çempionatının qrup mərhələsində Fransa və Norveç arasında keçiriləcək matç güclü tufan səbəbindən təxirə salına bilər.
"Le Parisien" nəşrinin məlumatına görə, Foksborodakı "Gillette" stadionunda planlaşdırılan oyun ərəfəsində ABŞ meteorologiya xidməti xəbərdarlıq yayıb. Həmin ərazidə təhlükəli tufan dalğası gözlənilir.
Təhlükəsizlik protokoluna əsasən, belə hava şəraitində matçın yarımçıq dayandırılması mümkündür.
Fransa yığması əvvəlki oyunda da hava problemi ilə üzləşmişdi. İraqla matç fasilə zamanı tufan səbəbindən dayandırılmış, lakin sonra tamamlanmışdı. Fransa həmin oyunu 3:0 qazanmışdı.
Qeyd edək ki, ABŞ, Meksika və Kanadada keçirilən dünya çempionatı iyunun 11-də başlayıb və iyulun 19-dək davam edəcək.
