"Neftçi"nin vingeri Freddi Varqasın Azərbaycan Premyer Liqasının 30-cu turunda "Karvan-Yevlax"a vurduğu qol (0:3) sosial şəbəkələrdə rekord maraq doğurub.
Oxu.Az xəbər verir ki, venesuelalı forvardın qolu klubun rəsmi "Instagram" səhifəsində paylaşılıb və video 20 milyondan çox izlənilib.
Paylaşım həmçinin 701 mindən çox "bəyənmə" toplayıb.
Bu göstərici Azərbaycan futbolu tarixində bir klub paylaşımının ən yüksək baxış sayı kimi qeydə alınıb. Varqasın qoluna maraq beynəlxalq səviyyədə də hiss edilib.
